A Noite das Meigas regresa a data tradicional en Vilagarcía, o último sábado de agosto. Así, a partir das 22.30 horas veciños e visitantes están convidados a penetrarse polos dez poboados enmeigados que se instalarán esa velada.
A media noite comezará un aquelarre na Praza de Galicia no que non faltará a queimada co seu previo esconxuro. Sortilegio que correrá a cargo da actriz Fátima Rey e tras o que se repartirá gratuitamente entre o público asistente nos poboados dispostos para a ocasión.
O Concello, e particularmente a Concellería de Cultura, ten previsto a repartición de catro mil rosquillas e catrocentas cuncas conmemorativas, estas últimas si terán un prezo simbólico para colaborar economicamente coas asociacións que participan na organización da actividade. Tamén achega os ingredientes necesarios para realizar as queimadas. Pola súa banda, os colectivos implicados ofrecerán petiscos diversos como tortilas, empanadas, chourizos ao viño, biscoitos, tortas etc...
Para quen queira achegarse a esta noite bruxa, os poboados estarán en: a Praza de Galicia, Avenida dá Mariña, Praza da Independencia, Castor Sánchez, Praza de España, Baldosa e Valentín Viqueira, Castelao, Praza do Castro, Praza de Galicia e Alcalde Rey Daviña e Arcebispo Lago.