Chegamos a unha nova entrega de "A cociña gourmet en conserva" cunha receita moi atractiva, tanto pola súa aparencia como desde o punto de vista nutricional. Ademais do excelente sabor que lle outorgan os Filetes de Cabala do Sur en aceite de xirasol de Conservas Pescamar.
A cabala ou xarda é un dos peixes azuis máis apreciados polo seu alto contido en ácidos graxos omega-3, moi indicados para protexer o noso corazón e previr unha gran variedade de enfermidades cardiovasculares.
Esta receita ofrécenola o FROM, o organismo do Ministerio de Agricultura e Pesca encargado de regular o mercado dos produtos do mar. A través da súa páxina web, tamén nos lembra que "todas as elaboracións de peixe enlatado son moi aconsellables desde o punto de vista nutritivo".
Para preparar esta deliciosa Milfollas de Cabala Pescamar con cabaciña necesitamos os seguintes ingredientes:
- 2 latas de Filetes de Cabala do Sur en aceite de xirasol Pescamar
- 300 gramos de cabaciña
- 300 gramos de masa de follado
- Aceite de oliva virxe extra
- 100 gramos de cebola
- 100 gramos de tomate triturado
- 50 gramos de albáfega
- Sal
Preparación:
Sofritimos nunha tixola, cun chorro de aceite, a cebola e o tomate.
Engadimos ao sofrito a cabaciña cortada en cadrados pequenos. Deixamos a lume lento durante 20 minutos. Sazonamos ao gusto.
A continuación, estiramos a masa de follado. Cun coitelo, dividimos a folla en tres partes. Enfornamos durante 10 minutos. Outra opción é dividir a masa de follado en varias porcións pequenas, para facer racións individuais, sempre tendo en conta que, en cada presentación, irán tres partes de follado.
Tomamos os lombos de xarda das 2 latas de Filetes de Cabala do Sur en aceite de xirasol Pescamar e escorrémolos.
Procedemos á montaxe do prato. Primeiro, unha oblea de follado. A continuación, un pouco do sofrito de cabaciña, unhas follas de albáfega e, sobre a mestura, unha parte dos lombos de xarda Pescamar. Enriba, unha nova lámina de follado, sofrito de cabaciña, albáfega e os lombos de xarda. Coroamos cunha oblea de follado e introducimos o prato no forno durante 3 minutos.
A Milfollas de Cabala Pescamar con cabaciña é unha boa alternativa tanto para entrante como en prato principal.
Nuns días, os produtos do mar serán de novo protagonistas dunha nova receita de "A cociña gourmet en conserva" de Conservas Pescamar.