A Semana Santa anima o mercado laboral e, como é habitual antes do seu comezo, o paro na provincia de Pontevedra comezou a descender. Aínda que, probablemente, o efecto será maior en abril, marzo pechou con 1.437 pontevedreses menos rexistrados como demandantes de emprego.
Na cidade de Pontevedra a baixada no número de desempregados fue de 132 persoas o que sitúa o número de inscritos no rexistro de demandantes de emprego en 5.762 persoas.
| Febreiro | Marzo | Variación | |
| Pontevedra | 5.894 | 5.762 | -132 |
| Barro | 272 | 265 | -7 |
| Bueu | 794 | 809 | 15 |
| Caldas de Reis | 726 | 687 | -39 |
| Cambados | 1.078 | 1.059 | -19 |
| Campo Lameiro | 130 | 130 | 0 |
| Cerdedo-Cotobade | 360 | 359 | -1 |
| Cuntis | 283 | 281 | -2 |
| O Grove | 1.023 | 909 | -114 |
| A Illa de Arousa | 312 | 292 | -20 |
| A Lama | 179 | 155 | -24 |
| Marín | 1.639 | 1.555 | -84 |
| Meaño | 393 | 356 | -37 |
| Meis | 363 | 345 | -18 |
| Moraña | 300 | 298 | -2 |
| Poio | 1.105 | 1.092 | -13 |
| Ponte Caldelas | 507 | 482 | -25 |
| Portas | 205 | 197 | -8 |
| Ribadumia | 312 | 295 | -17 |
| Sanxenxo | 1.243 | 1.167 | -76 |
| Vilaboa | 419 | 405 | -14 |
| Vilagarcía de Arousa | 3.420 | 3.420 | -14 |
| Vilanova de Arousa | 777 | 771 | -6 |
PROVINCIA
Segundo os datos que divulgou este martes o Ministerio de Traballo, Migracións e Seguridade Social, Pontevedra conta a día de hoxe con 67.830 desempregados, o que supón un descenso do -2,07% con respecto ao mes anterior.
En termos interanuais, a provincia reduciu o seu desemprego en 5.780 persoas, un -7,85% dos parados que había en marzo de 2018.
Por sectores económicos, o paro rexistrado baixa en servizos en 960 persoas, en construción en 187, en agricultura en 186 e en industria en 179. O colectivo sen emprego anterior, mentres tanto, rexistrou un aumento de 97 persoas sen traballo.
GALICIA
O desemprego tamén descendeu no conxunto de Galicia en marzo, con respecto ao mes anterior, nun total de 2.868 persoas (-1,65%), de maneira que o cómputo de parados pasa a ser de 170.841 galegos.
No último ano, na comunidade son 14.262 as persoas que abandonaron as listas do paro, un -7,70%, segundo os datos oficiais de emprego.
ESPAÑA
Pola súa banda, en toda España o número de parados rexistrados no mes de marzo baixou en 33.956 traballadores en relación co mes anterior. En valores relativos, este descenso do paro é dun -1,03%. Así, a cifra total de desempregados sitúase en 3.255.084 persoas.
Con estes datos, os servizos públicos de emprego reflicten que, ao longo do último ano, o paro reduciuse en 167.467 persoas, cun ritmo de redución interanual do 4,89%.