A xunta de goberno do Concello de Pontevedra aprobou o convenio de colaboración coa Axencia Galega de Infraestruturas para a construción da Ponte das Correntes.
Desbloqueado este trámite burocrático a Administración autonómica abonará ⿿de inmediato medio millón de euros correspondentes ao presente exercicio. Para o próximo ano será outros 542.000 euros.
O financiamento da ponte suscitou friccións entre o goberno local e a Xunta, logo que o conselleiro, Agustín Hernández, anunciara no Parlamento galego que o convenio co Concello tiña expirado o pasado 31 de decembro e que a esa data o goberno local non xustificara a cantidade total comprometida pola Xunta.
A polémica resolveuse durante a visita previa á inauguración da Ponte das Correntes. Cinco minutos de conversa entre o conselleiro e o alcalde capitalino, Miguel Anxo Fernández Lores, foron suficientes para resolver o enfrontamento.
O compromiso económico da Consellería de Medio Ambiente, Territorio e Infraestructuras ascendía aos tres millóns de euros, dos cales pagáronse 1.970.000 euros.