A Comisión de Mobilidade da Unión Europea publicou unha entrevista co alcalde de Pontevedra, Miguel Anxo Fernández Lores, con motivo do Urban Road Safety Award, o recente galardón concedido á cidade polas súas boas prácticas en mobilidade urbana.
Este premio recoñeceu o traballo realizado en favor da redución de velocidade no centro urbano e a ganancia de espazos públicos para os peóns.
A entrevista pode consultarse na páxina web da Semana Europea da Movilidad, creada pola propia Comisión Europea para distinguir as boas prácticas a nivel municipal. Alí, a entrevista a Lores comparte espazo coas dos outros dous rexedores de localidades galardoadas.
Fernández Lores repasa nesta publicación algunhas das medidas adoptadas na cidade nos últimos anos, ademais de ofrecer consellos a outros municipios se queren optar por medidas como as implantadas en Pontevedra.
Debido á pandemia Pontevedra aínda non puido recibir o Urban Road Safety Award, estando á espera de coñecer cando se realizará finalmente a entrega do galardón.