O Colexio Oficial de Farmacéuticos de Pontevedra confirmou finalmente cales serán as farmacias da provincia que participarán na campaña de cribado de covid que se iniciará o vindeiro martes 9 de febreiro.
Cabe lembrar que a data de posta en marcha xeral desta campaña, tras a proba piloto entre establecementos de Pontevedra e outros tres de Vigo, estaba prevista para o luns, pero foi posposta 24 horas ante a alta demanda de farmacias participantes. De feito ata última hora do sábado sumáronse algunhas farmacias máis, facendo un total de 347.
A listaxe completa de farmacias participantes pode consultarse nesta ligazón (VER LISTAXE).
Inicialmente a recollida de mostras diríxese á poboación de entre 40 e 65 anos, tal e como sinalou o Colexio Oficial de Farmacéuticos de Pontevedra, nun cribado que pretende aumentar a capacidade de detección de casos de coronavirus, especialmente os posibles asintómaticos.