O Instituto Xeográfico Nacional (IGN) rexistrou nas últimas horas dous movementos sísmicos de intensidade leve, un este martes con epicentro na Lama e outro este mércores en Forcarei.
O máis recente tivo lugar ás 7,56 horas de hoxe, con epicentro a uns 4 quilómetros de profundidade, en Forcarei e cunha intensidade de 2,9 mbLg.
O IGN asegura que o movemento de terra sentiuse en localidades como A Estrada, Moraña, Silleda, Cuntis ou Pontevedra.
En canto ao tremor da Lama, tivo o seu epicentro a 15 quilómetros de profundidade, e foi rexistrado este martes ás 15,25 horas. Este terremoto tivo unha magnitude de 2,4 mbLg.
Neste caso non foi percibido pola poboación.
Ningún dos dous sismos rexistrou ningún tipo de dano.