O popular Jorge Cubela foi proclamado este sábado alcalde de Cerdedo-Cotobade, o primeiro rexedor da historia do novo concello, xa que ata agora era o presidente da xestora que se constituíu tras a fusión.
Na primeira corporación electa do novo municipio teñen representación o PP, o Partido Socialista e o BNG.
Cubela agradeceu o "masivo apoio" conquerido polo Partido Popular nas eleccións municipais e tamén quixo "agradecer á miña familia a súa infinita paciencia e o cariño que teñen comigo".
O novo alcalde dixo asumir este encargo "coa irrenunciable vocación de os servir a todos por enriba de ideoloxías" e que asume a "vocación de entendemento e de diálogo" cos grupos políticos da oposición cos que pretende buscar os "puntos de encontro" con todas as administracións.
"Dende o respeto á Constitución e ó Estatuto de Autonomía, asumimos un proxecto de principios centristas, galeguistas e liberais centristas, porque como dixo Aristóteles, a virtude reside no punto medio entre dous extremos. O centro e a moderación son esa virtude", concluiu Cubela.