Operarios da empresa Bricantel España, adxudicataria dos traballos, iniciaron a reforma do parque infantil de Cantodarea, no Parque Azul.
Segundo informa o Concello de Marín, o primeiro foi comezar a desmontar os elementos actuais para ser levados a un almacén no que se repararán e poñeranse a punto.
Trátase dunhas randeeiras, un equipo con forma de barco afundido, un balancín xiratorio, unha casiña de xogos, un xogo de equilibrio, unha mesa de xogos e un resorte con forma de grilo.
Estes elementos acondicionaranse de maneira que se poidan adaptar á normativa vixente.
A maiores o proxecto de reforma contempla a eliminación do actual pavimento de caucho para colocar un novo en toda a extensión do parque.
O investimento total destas obras aproxímase aos 47.500 euros, subvencionados a través da Consellería de Presidencia, Xustiza e Deportes.