Un edificio de Marín tivo que ser desaloxado por culpa dun coche ardendo no garaxe. Non houbo persoas afectadas.
O 112 Galicia tivo constancia dos feitos un cuarto de hora despois das 21:00 deste sábado.
Segundo o que informaba o particular que alertou ao 112, estaba a arder un vehículo na entrada dun garaxe situado no número 47 da Avenida de Ourense.
Enseguida, desde a Sala de Operacións do 112 Galicia pasouse a información aos Bombeiros de Pontevedra e de Vigo, así como á Policía Nacional e ao Local.
Aínda que non constaban afectados, tamén se avisou ao Servizo de Urxencias Sanitarias de Galicia-061.
O edificio, de cinco plantas e 20 vivendas, tivo que ser desaloxado mentres os bombeiros encargáronse de sufocar o lume que provocou unha densa fumareda.
Despois da súa intervención, que se prolongou durante máis de dúas horas, indicaron que só ardera un turismo.
Por seguridade o garaxe foi precintado debido aos altos niveis de monóxido de carbono.
Con todo, os veciños puideron volver aos seus domicilios.
