Corenta millóns de euros é o que prevé investir a compañía enerxética Iberdrola no desenvolvemento dunha planta de metanol renovable en Caldas de Reis, que suporá a creación de 55 novos empregos, dos que o 46% estarían reservados para mulleres.
Este proxecto, denominada Green Umia, foi declarado pola Xunta de Galicia como iniciativa empresarial prioritaria, o que lle permitirá reducir á metade os prazos de tramitación.
Este proxecto, que Iberdrola impulsa xunto á compañía Foresa prevé xerar ata 900 postos de traballo totais, entre directos, indirectos e inducidos, durante a fase de construción e 265, tamén entre as tres modalidades, durante a fase de explotación.
Con esta nova planta, Iberdrola busca reducir as importacións de metanol, substituíndoas por unha "produción local sostible", segundo explica o goberno galego, que tamén será empregada pola propia empresa para a fabricación de diversas colas, resinas e adhesivos.
Green Umia integrará na mesma localización a produción e uso industrial de hidróxeno verde, que xunto ao dióxido de carbono capturado dos gases de escape da caldeira de biomasa, utilizarase como materia prima para o proceso de síntese do metanol.
As previsións sitúanse na produción dunhas 2.900 toneladas anuais de metanol renovable, a partir de julio de 2025. Isto, segundo a compañía, supoñerá unha redución de 58.000 toneladas de CO2 durante o seu primeiros dez anos de funcionamento.
A planta de tratamento permitirá ademais aproveitar os fluxos de augas residuais, reducindo a cantidade de auga bruta empregada no proceso industrial.
Para que o metanol teña a consideración verde, a subministración de enerxía necesario para a produción de hidróxeno verde, debe provir de fontes de xeración renovable de nova construción.
Para ese efecto establecerase un acordo de subministración enerxética desde o parque eólico Castro Valente situado a 12 quilómetros da futura planta de metanol. O parque eólico localízase entre os municipios de Padrón e A Estrada, e consiste na instalación de tres aeroxeradores de 6 MW cada un, cunha potencia total de 18 MW.
A de Caldas é unha das dezaseis iniciativas empresariais prioritarias declaradas pola Xunta de Galicia nos últimos meses. Hai outras dúas na provincia de Pontevedra, as que lideran Sogama en Vilanova de Arousa e a conserveira Albo en Salvaterra de Miño.