O GALP Ría de Pontevedra ten en marcha un ciclo de xornadas informativas para presentar a nova convocatoria de axudas para 2025, destinadas a proxectos que contribúan ao desenvolvemento sostible da ría.
Estas sesións, dirixidas a empresas, asociacións, entidades do sector pesqueiro e público en xeral, comezarán esta semana en Marín e Poio e continuarán nos concellos de Bueu, Pontevedra, Sanxenxo e Meaño
A convocatoria, que xestiona máis de 1,5 millóns de euros no marco do Fondo Europeo Marítimo, de Pesca e de Acuicultura (FEMPA) 2021-2027, está aberta ata o 21 de marzo.
As axudas van dirixidas a iniciativas vinculadas ao mar e á economía azul, especialmente ás relacionadas co sector pesqueiro.
As xornadas informativas terán lugar nos seguintes lugares:
Marín: 27 de febreiro, 19:00 horas, no Espazo Emprendedor.
Poio: 28 de febreiro, 19:00 horas, no Casal de Ferreirós.
Sanxenxo: 3 de marzo, 11:00 horas, na Sala Nauta.
Bueu: 5 de marzo, 11:00 horas, no Centro Social do Mar.
Meaño: 5 de marzo, 17:30 horas, na Casa da Cultura.
Pontevedra: 6 de marzo, 17:00 horas, na Sede Afundación (en colaboración con ABANCA - Mar).
Marín (Porto): 7 de marzo, 11:00 horas, no Auditorio do Edificio de Operacións Portuarias (dirixida a empresas do porto).
Estas sesións, totalmente gratuítas, ofrecerán información detallada sobre as bases da convocatoria, resolverán dúbidas e proporcionarán asesoramento para a redacción de proxectos. Ademais, o GALP ofrecerá un servizo de titorización para quen desexe presentar as súas iniciativas.
As persoas interesadas en participar deben inscribirse previamente a través deste formulario dispoñible en liña.
Para máis información, pódese contactar co GALP Ría de Pontevedra no teléfono 886 213 015 ou a través do correo electrónico gacpontevedra@gmail.com.
A iniciativa do GALP busca impulsar proxectos que contribúan ao desenvolvemento sostible e integrado da Ría de Pontevedra.
