O Boletín Oficial do Estado publicou este sábado a resolución pola que se aproba o documento denominado "integración da avaliación ambiental do proxecto Vilaboa-A Ermida" co seu "correspondente Estudo de Impacto Ambiental" da A-57.
Completada esta documentación o Ministerio de Fomento procederá á adxudicación das obras, que se calcula para o mes de abril.
A presente resolución pon fin á vía administrativa, e contra a mesma pódese interpoñer recurso potestativo de reposición, ante a ministra do departamento, no prazo dun mes, ou ben directamente recurso contencioso-administrativo ante a Audiencia Nacional no prazo de dous meses.
Desde o colectivo Salvemos A Fracha xa adiantaron a súa intención de solicitar a anulación do proceso alegando deficiencias na tramitación deste estudo de impacto ambiental da coñecida como circunvalación de Pontevedra.