Con motivo da celebración do Día das Forzas Armadas -DIFAS- 2023 o sábado 3 de xuño e do 57 aniversario de creación da Brigada Galicia VII -Brilat- o mércores 7 de xuño, este domingo realizábase unha mostra de elementos militares como vehículos e armas na Alameda de Pontevedra permitindo á poboación civil, con presenza de numeroso público infantil, comprobar o funcionamento do material que emprega o exército nas súas misións.
Esta acción englóbase no conxunto de actividades que desde a Brilat, con base en Figueirido, desenvolve na cidade de Pontevedra coa intención de ofrecer un mellor coñecemento das súas funcións.
Nesta exposición estática iniciábase ás 12.00 horas nas inmediacións do monumento que lembra os heroes de Ponte Sampaio cun acto de izado e homenaxe á bandeira de España. O arriado da bandeira establécese como punto final desta actividade ás 20.00 horas.
O 7 de xuño será a data que, con motivo do 57 aniversario de creación da Brilat, celébrese unha parada militar na Base Xeneral Morillo. Acudirán diferentes autoridades civís e militares, ademais de familiares dos militares que participarán no acto.
O denominado "Día da Brilat" conmemora a primeira operación aerotransportada que executou esta brigada dentro do exercicio aeroterrestre AZOR-I, unha operación militar que se desenvolveu o 7 de xuño de 1969 en Lugo, no Aeródromo de Rozas.