Unha condutora, que responde ás iniciais S.O.P., de 31 anos de idade e veciña de Ribadumia, foi evacuada e trasladada ao Hospital do Salnés para ser atendida das feridas provocadas nun impacto entre dous turismos durante a mañá deste luns 5 de agosto.
O suceso rexistrouse ao chocar frontolateralmente os dous vehículos nunha intersección da estrada provincial EP-9305 na parroquia de Barrantes, no municipio de Ribadumia.
Ao lugar trasladáronse efectivos do servizo de Emerxencias do Concello de Cambados.
Unha ambulancia do 061 encargouse de mobilizar á muller ferida para unha exploración en profundidade no centro hospitalario.
Tamén interviñeron membros de Protección Civil de Ribadumia, mantemento da Deputación de Pontevedra, Garda Civil de Tráfico e Atestados.