21 estudantes que participan na Cooperative mobility que se desenvolve en Redondela visitaron durante este mércores 12 de marzo a cidade de Pontevedra e mantiveron unha reunión co Alcalde, Miguel Anxo Fernández Lores, e o intendente da Policía Local, Daniel Macenlle.
Entre os visitantes encontrábanse mozos procedentes de Bélxica, Macedonia, Exipto e Galicia que participan neste programa cuxo obxectivo se centra en mostrar alternativas de mobilidade e de transporte.
Durante a visita ao Concello de Pontevedra, o alcalde explicoulles o modelo que se xestiona en Pontevedra e que obtivo o galardón do "Premio europeo Intermodes".
CITA EN DONOSTIA
Por outra banda, o intendente da Policía Local e o oficial responsable da educación viaria asistirán o próximo 14 de marzo a unhas xornadas sobre mobilidade urbana en Donostia para expoñer o proxecto dos Camiños Escolares que se desenvolve en Pontevedra.