O Xulgado de Instrución número 1 de Pontevedra decretou este mércores o ingreso en prisión provisional comunicada e sen fianza do home de 47 anos detido na madrugada do domingo ao luns por matar a golpes e con cortes unha muller no barrio de Estribela.
O home pasou as dúas últimas noites na Comisaría da Policía Nacional de Pontevedra, onde se mostrou visiblemente alterado, e sobre as 11.30 horas partiu en dirección ao xulgado de garda. Chegou aos xulgados da Parda sobre as 11.45 horas e permaneceu no edificio xudicial durante dúas horas e media.
Ás 14.20 horas, a xuíza decretou o seu ingreso en prisión, segundo a información facilitada polo Tribunal Superior de Xustiza de Galicia (TSXG).
O xulgado atribúelle ao sospeitosos, de 47 anos e múltiples antecedentes policiais, un delito de homicidio.
A vítima, N.R.F., de 33 anos, residía nunha casa okupa no número 31 da rúa de Cunchidos, en Estribela e este home, de orixe portuguesa, chegou de madrugada á vivenda e matouna. Ocorreu sobre as cinco da madrugada.
A Policía Nacional investiga os feitos con todas as hipóteses abertas, pero a que maior forza ten é que o móbil do crime é un asunto relacionado coas drogas, unha posible débeda da vítima co seu agresor. Ambos eran consumidores habituais de droga.
Para matala, deulle fortes golpes e tamén lle provocou cortes en distintas partes do corpo. Segundo as informacións ás que tivo acceso este xornal, a causa da morte foron os fortes golpes na cabeza que recibiu.
Para cometer o crime o home supostamente utilizou diversos obxectos que había na vivenda, algún deles, moi contundente, e exerceu gran violencia. Supostamente, tamén houbo asañamento.
O corpo da vítima quedou moi danado e esnaquizado, sobre todo, na zona da cabeza.
Os investigadores inspeccionar a fondo a vivenda, que presentaba un evidente estado de abandono e moita sucidade. A casa leva anos okupada e carece de servizos básicos como rede de sumidoiros.
Nela vivían, ademais da vítima, outros dous homes, que estaban na casa cando chegou o agresor. Un deles saíu a pedir axuda e un veciño que pasaba pola zona alertou aos servizos de emerxencias. Logo, estes dous homes fuxiron do lugar.
Na vivenda tamén había un can, propiedade da vítima, que quedó durante horas ao carón do corpo da vítima e na mañá do luns tivo que ser rescatado por voluntarios da asociación protectora de animais Os Palleiros.