A empresa Ence emitiu un comunicado no que sinala que seguen a traballar no desenvolvemento dos proxectos de investimento anunciados en Galicia logo da prórroga da concesión da súa fábrica de Pontevedra.
Entre estes proxectos cóntase a instalación dunha planta de xeración de biomasa de baixa emisión en Lourizán.
O grupo pasteiro precisa que esta iniciativa "non é incompatible" co anuncio de investimento efectuado este xoves pola compañía de construción doutra planta de biomasa de baixa emisión en Huelva.
A instalación de Huelva supoñerá ata 80 millóns de euros de investimento e xeraría ao redor de 30 empregos directos, que se suman aos 50 que xa mantén nas dúas plantas de biomasa que funcionan en Huelva e que suman 90 Mw.
A final de 2014 Ence clausurou a súa actividade de produción de celulosa no complexo que ten en San Juan del Puerto e prescindiu de 300 traballadores, polo que considera que coa construcción dunha planta de biomasa reverte así en parte o efecto desa decisión.
Por outra banda, Ence continúa co que denomina "accións de comunicación" na cidade de Lérez, neste caso ocupando as cristaleiras de algúns locais baleiros do centro urbano.