Dúas persoas resultaron feridas nun grave accidente de tráfico rexistrado na tarde deste martes na avenida de Compostela, en Pontevedra.
O sinistro consistiu nun choque frontal entre dous turismos no tramo desta avenida máis próximo á rotonda coa rúa Médico Ballina. É o quilómetro 117 da estrada N-550, un dos accesos a Pontevedra desde Santiago.
Como resultado do choque, dúas persoas resultaron feridas e unha delas quedou atrapada dentro do vehículo e tivo que ser excarcerada por efectivos dos Bombeiros de Pontevedra.
Tiveron que liberar a esta persoa ferida do interior dun dos vehículos e axudar a outra persoa a saír. Os dous foron trasladados posteriormente a centros hospitalarios.
Segundo a información facilitada pola Policía Local, un vehículo entraba na cidade e, por causas que se descoñecen, desprazouse á dereira, chocando coa vionda. A causa da colisión, quedou atravesado no carril do outro sentido de circulación e, nese momento, un coche que circulaba de frente chocou contra el.
Ata o lugar do accidente trasladáronse efectivos da Policía Local e dos Bombeiros, así como o Servizo de Urxencias Sanitarias de Galicia-061, a Garda Civil e voluntarios de Protección Civil de Pontevedra.
Os axentes municipais tiveron que regular o tráfico e cortaron a circulación nas dúas direccións durante máis de hora e media, mentres duraron as tarefas dos servizos de emerxencias no lugar. Ás 19.30 quedou aberto o tráfico.
O 112 Galicia tivo constancia do accidente ás 18.06 horas deste martes a través de varios particulares, que indicaron que un dos coches implicados parecía que estaba a empezar a arder.
Finalmente, confirmouse por fontes oficiais que non chegou a prender lume, senón que o turismo botaba fume como consecuencia do impacto.