O portavoz municipal de PP, Rafa Domínguez, cre que o alcalde de Pontevedra, Miguel Anxo Fernández Lores, está "frustrado" polos avances que, como vicepresidente da Deputación, impulsou para a reforma do antigo convento de Santa Clara.
Asegurou que a recuperación do cenobio está "garantizada", polo que Domínguez considera que as críticas de Fernández Lores, que o pasado xoves aseguraba estar "preocupado" por Santa Clara, son "mentiras o falsedades mal intencionadas".
"En doce meses hemos trabajado más en el proyecto de Santa Clara que en los cuatro años anteriores", destacou o líder dos populares, que asegurou que "hemos hecho absolutamente todo para que Santa Clara fuese la buena dirección".
O proxecto para rehabilitar o convento, segundo o dirixente do PP, está pendente da licenza de obra municipal. O Concello dispón de tres meses, desde o 23 de xullo de 2024, para dar o visto e prace á Deputación de Pontevedra para continuar co proxecto "en tiempo y forma".
"Si Lores está preocupado por el convento, le pido que otorgue la licencia que le compete para no paralizar el proyecto", reclamou Rafa Domínguez.
Aproveitou ademais para censurar o "doble rasero" do alcalde, xa que denuncia que "pide celeridad" á administración provincial, "mientras él acumula años de retrasos sin justificar" en diversas actuacións que son de competencia municipal.
Entre elas, Domínguez citou o pavillón da Parda, o novo vial de Mollavao, a tramitación do novo contrato do lixo, a planta de compostaxe da Canicouva, o saneamento do rural ou o atraso no pago das subvencións deportivas.
Ante esta situación, o portavoz dos populares de Pontevedra lamenta que a Lores le falte "autocrítica, lealtad institucional y más municipalismo", despois de 25 anos no cargo, especialmente na situación de "ahogamiento político" na que se atopa.