En pleno paso da borrasca Domingos, a ponte do Burgo ofrecía este sábado a imaxe sorprendente de numerosas ramas e troncos de árbores acumuladas nos arcos da ponte do Burgo en Pontevedra, procedentes de distintos puntos por onde baixa o río Lérez, que os arrastraba, ata desembocar na ría.
Durante este luns 6 de novembro, a Autoridade Portuaria de Marín alertaba s embarcacións que navegan pola ría de Pontevedra da presenza destes elementos.
Solicitaban tamén que se extremase a precaución para evitar colisións que poden causar dano no casco das embarcacións.
Ao longo da xornada están a realizarse tarefas de retirada destes anacos de árbores caídos durante estas xornadas de temporais.
Persoal da empresa de amarre e remolque Amare Marín realizaba estes traballos en colaboración co buque Irmáns García Nodal, pertencente a Salvamento Marítimo da Xunta de Galicia.