Un veciño do Grove foi detido pola Garda Civil como presunto delito de estafa bancaria.
Segundo informaron fontes oficiais do Instituto Armado, a investigación iniciouse a partir dunha denuncia presentada o pasado o 29 de decembro por un mozo por mor duns cargos realizados coa súa tarxeta bancaria durante o ano 2023 e que alcanzaban os 30.432,35 euros.
Tras observar os documentos facilitados polo denunciante, os axentes comprobaron a existencia de distintos gastos nun local de diversión da zona e que tamén había varias retiradas de diñeiro en efectivo dun caixeiro que non recoñece como súas o titular da tarxeta.
Seguindo unha liña de investigación destes cargos efectuados, a Garda Civil logrou identificar a un mozo, natural do Grove con numerosos antecedentes por delitos de estafa.
Tamén constataron que este mozo frecuentou o local mencionado, no que sospeita o denunciante que puido facerse cos datos da súa tarxeta bancaria.
A través das manifestacións de testemuñas e probas obtidas, cando ambos os protagonistas atopábanse no local, nun descoido do denunciante, o presunto estafador realizou unha fotografía á tarxeta bancaria da súa vítima, obtendo así os datos cos que puido realizar numerosos gastos ao longo deses meses.
A Garda Civil logrou localizar a este individuo que foi detido como presunto autor dun delito de estafa. As dilixencias foron remitidas ao xulgado de garda de Sanxenxo.