Dez persoas detidas durante a operación contra o narcotráfico que se levaba a cabo este luns 2 de decembro no Vao de Arribapasaron a disposición xudicial este mércores no Xulgado da Parda.
O xuíz decretaba a prisión provisional comunicada e sen fianza para cinco dos detidos, mentres que os outros cinco quedaban en liberdade. Todos se atopan investigados pola súa intervención nun delito contra a saúde pública.
Neste operativo desenvolto de maneira conxunta entre efectivos da Garda Civil e da unidade de droga e crime organizado (Udyco) da Policía Nacional saldábase con 14 persoas detidas. Catro delas, tres adultos e un menor investigado, quedaban xa en liberdade o luns. O resto comparecía este mércores para prestar declaración.
Na operación, que se efectuaba en Pontevedra, Poio e Arousa, sometéronse a rexistro varias chabolas, ademais dun establecemento comercial situado na rúa Virxe do Camiño e un piso de Paseo de Colón, como espazos que presuntamente se utilizaban para a distribución de droga.