Na tarde do sábado 7 de setembro, a Policía Local de Poio detivo un condutor que circulaba en sentido contrario e deu positivo na proba de alcoholemia.
O incidente tivo lugar aproximadamente ás 19:45 horas.
Segundo o informe policial, os axentes observaron un vehículo circulando en dirección contraria á permitida. Ao dar o alto ao condutor e sometelo á proba de alcoholemia, o resultado foi positivo.
A Policía Local lembra á cidadanía que conducir cunha taxa de alcol superior á autorizada pode supoñer sancións severas como unha multa de ata mil euros e a retirada de entre catro e seis puntos do carné de conducir.
Ademais, se a taxa supera os 0,60 mg de alcol en aire espirado, o delito pasa a ser considerado unha infracción penal.
As autoridades tamén advirten que conducir baixo os efectos das drogas conleva unha multa de 1.000 euros e a perda de 6 puntos do carné.
Como consecuencia deste incidente, o vehículo do infractor foi inmobilizado, facéndose cargo do turismo outro condutor posteriormente.