O Concello de Cuntis quere concienciar á poboación sobre a importancia que ten reforzar as medidas de hixiene para así previr o contaxio do COVID-19.
Para iso crearon unha campaña de concienciación e prevención baixo o lema 'Mata o virus, lava mans' coa que fan fincapé na necesidade de lavarse as mans frecuentemente para frear os contagios.
Trátase dunha mensaxe sinxela pero clara e directa que nos lembra a importancia de lavarse habitualmente as mans como medida máis eficaz de prevención do virus e que nos lembra que isto é o primeiro que se debe facer cando cheguemos a casa.
No marco desta campaña, para a que se contou coa opinión e colaboración do persoal do centro de saúde de Cuntis, van pegar adhesivos co lema por todos os contedores do municipio e será difundida por redes sociais, entre outros soportes.