A XXVI Festa Gastronómica do Lacón con Grelos de Cuntis arrincou con éxito a súa primeira xornada grande no Centro Sociocultural Patelas, coa celebración da tradicional Gala do Chapante.
O acto, que combinou humor, orixinalidade e recoñecemento ao sector hostaleiro, premiou aos establecementos A Tenda da Ponte e O Cubreiro pola súa aposta pola lingua galega e a tradición rural, respectivamente.
A homenaxe a estes dous locais foi unha das grandes novidades desta edición con respecto aos anos anteriores.
O alcalde de Cuntis, Manuel Campos, e o director xeral de Política Lingüística da Xunta de Galicia, Valentín García, foron os encargados de entregar os galardóns aos premiados.
Durante o evento, Campos destacou a traxectoria de Javier Barreiro, propietario da Tenda da Ponte, polo seu defensa do idioma galego nos seus locais, e agradeceu a José Antonio González, de O Cuberto, o seu labor por manter viva a tradición hostaleira no rural.
A gala contou coa actuación da compañía de teatro Chumpá, que ofreceu un espectáculo humorístico sobre temas de actualidade, onde non faltou a Intelixencia Artificial ou a vivenda.
O Chapante, figura emblemática do Entroido cuntiense, luciu un deseño reivindicativo en favor da igualdade, elaborado por mozas do Espazo CuntisXove e o Programa Habilitas, coordinados pola educadora social María Rodríguez Cortizo.
A festa continúa este sábado con animación musical e a actuación do grupo de música electrónica OBK, precedida polo concerto de Igloo, ás 21:00 horas.
O domingo, o protagonismo será para a degustación gastronómica, nunha xornada na que se prevé recibir a milleiros de persoas, tanto na propia carpa como nos diferentes establecementos de hostalaría da vila.