Julio Casás, concelleiro de Obras e Servizos Municipais de Poio, anunciaba este venres que, entre o luns 20 e o mércores 23 de marzo, está previsto que se acometan cortes de tráfico alternativos na PO-308, na avenida da Porteliña, á altura da confluencia coa Rúa do Adro.
A causa atópase na execución de obras de mellora e dotación de servizos que se acometen na zona. Por este motivo pecharase un carril de tráfico para que poidan intervir os operarios.
Habilitaranse semáforos para garantir a circulación en ambos os sentidos de maneira alternativa.
Desde o Concello de Poio recomendan a utilización doutras vías alternativas para desprazamentos cara a Pontevedra ou Sanxenxo para evitar acumulación de tráfico na zona. As alternativas propostas son a estrada que conecta Portosanto con Campelo e a estrada autonómica de Vilagarcía e a VG-4.8.