Un incendio forestal facía saltar as alarmas, de novo, na parroquia pontevedresa de Ponte Sampaio ao longo da tarde deste luns 19. As lapas orixinábanse á altura do Vilar, a escasa distancia dun núcleo de vivendas.
Os servizos de extinción, coa presenza dun helicóptero, lograron sufocar o lume que afectaba a unha zona de monte arborizada e as lapas non chegaron a afectar as casas.
A fumareda provocada polo lume era visible desde distintos puntos da comarca de Pontevedra. Ponte Sampaio xa se vió afectada por incendios forestais a mediados do mes de agosto con máis de 20 hectáreas queimadas tanto no Vilar como nos lugares de Acevedo e do Rañadoiro.