O novo edificio que a construtora pontevedresa Construcuatro planea na mazá que está a desenvolver na Eiriña, entre Eduardo Pondal e a Rúa Doce de Novembro, prevé completar a urbanización de toda esta unidade de actuación.
Será un inmoble que comercializará dezaoito novas vivendas, repartidas en seis plantas e baixo cuberta. O edificio, ademais, terá baixos comerciais.
O alcalde de Pontevedra, Miguel Anxo Fernández Lores, confirmou que o Concello xa outorgou a licenza de obra para este novo proxecto inmobiliario.
Ocupará unha parcela de 373 metros cadrados e reservará tres sotos para aparcadoiro.
O edificio situarase nos únicos terreos que quedaban aínda sen desenvolver no que se será a nova rúa que vertebrará toda esta mazá, a Rúa das Barreiriñas.
Esta vía, que terá unha extensión de 114 metros de lonxitude, será peonil, aínda que quedará garantido o acceso dos residentes aos seus garaxes.
Para levantar esta promoción, Construcuatro investirá máis de 2,52 millóns de euros.
