Aqueles que creron que as disputas por Pasarón remataron coa inauguración oficial do estadio equivocáronse. A recepción do novo recinto deportivo vai camiño de converterse nun novo culebrón.
O Concello de Pontevedra devolveu, por segunda vez, á Deputación o expediente relativo ao proxecto. Os técnicos municipais reclaman máis documentación por parte da institución provincial.
ÿ a mesma petición que formularon o pasado mes de febreiro cando chegaron as primeiras caixas con informes oficiais desde a sé provincial en Montero Ríos.
Igual que naquela ocasión, desde os despachos municipais de Michelena 30, respondeuse con outro requerimiento para que se complete a tramitación.
E ¿que é o que falta? O concelleiro de Deportes, Agustín Fernández (PSOE), responde que entre outras cousas faltan máis de medio cento de planos, o libro de incidencias da obra ou "as actas de recepción da obra entre a adjudicataria e a Administración que contratou os traballos".
No consistorio capitalino xa requiriron en tres ocasiones estas actas que acreditan os traballos que foron executados pola empresa Oreco e aprobados pola Deputación.
a construción do novo estadio de Pasaron disparouse ata os 15,9 millóns
Aínda que inicialmente foi presupostado en 7,2 millóns de euros, a construción do novo estadio de Pasaron disparouse ata os 15,9 millóns, que aínda non se pagaron na súa totalidade.
O estadio non se poderá sufragar ata que o Concello non recepcione estas obras.