Vilagarcía acendeu este sábado a iluminación do Nadal. Nun acto inaugural desenvolveuse alredor da árbore da céntrica praza de Galicia, con Papa Noel xunto ao alcalde Alberto Varela.
A Banda de Música de Vilagarcía amenizou a velada con panxoliñas.
Ademais das luces, a cidade tamén está decorada con xardíns efémeros instalados en diferentes puntos, a aldea infantil da explanada do Auditorio e as atraccións do Fexturrón no recinto feiral de Fexdega, coa pista de xeo e o tobogán como principal reclamo.
A actividades programadas polo Concello de Vilagarcía inclúen o espectáculo chamado Circo de Nadal, o 27 de decembro, no Auditorio Municipal con números musicais, maxia, acrobacias e humor.