A Consellería de Sanidade actualizou este martes 4 de maio os datos de incidencia da pandemia na área sanitaria de Pontevedra-O Salnés cun descenso de 13 pacientes no número de casos activos ata chegar aos 478.
Sobe a presión hospitalaria con 3 pacientes máis ata sumar 27 persoas enfermas de covid-19 ingresados en planta de hospitalización. Concretamente están 15 persoas no Complexo Hospitalario Universitario de Pontevedra e 12 no Hospital do Salnés.
Tamén se incrementa en 2 persoas o número de enfermos críticos ingresados na UCI, con 7 pacientes na Unidade de Coidados Intensivos do Hospital Montecelo.
Así mesmo, permanecen 444 casos leves ou asintomáticos evolucionando nos seus domicilios.
Desde o inicio do plan de continxencia do covid-19 curáronse 13.060 pacientes, son 35 máis que no deía de onte, e faleceron por este virus na área sanitaria 173 pacientes.
En canto a realización de probas PCR, nas oú ltimas 24 horas fixéronse 1.288, que se engaden ás 215.171 xa efectuadas desde o inicio da pandemia na área sanitaria de Pontevedra-O Salnés.
GALICIA
A Dirección Xeral de Saúde Pública da Consellería de Sanidade informa que, na última actualización, o número de casos activos de coronavirus en Galicia é de 3.027, deles 687 son da área da Coruña, 224 da de Lugo, 262 da de Ourense, 478 da de Pontevedra, 898 da área de Vigo, 383 da de Santiago e 95 da de Ferrol.
Do total de pacientes positivos, 47 están en UCI, 165 en unidades de hospitalización e 2.815 no domicilio. Polo de agora, en Galicia hai un total de 117.347 persoas curadas, rexistrándose 2.391 falecementos.
O número de PCR realizadas é de 2.077.554.
O número de doses de vacina contra a covid-19 administradas é de 1.200.554.