Ata cinco vehículos víronse afectados por un incendio sen producir danos persoais en Poio.
Segundo informou o 112-Galicia, as chamas calcinaron dous vehículos por completo e afectaron a outros tres que se atopaban nas proximidades.
Un particular contactou coa central de emerxencias dez minutos antes das catro da madrugada para informar sobre un coche que estaba a arder pola parte do motor nun aparcamento localizado na avenida de San Xoán.
O vehículo circulaba pola estrada cando comezou a humear, e o condutor apartouno da vía, o que provocou que as chamas se comezasen a propagarse por outros coches estacionados no lugar.
Rapidamente, os xestores do Centro Integrado de Atención ás Emerxencias informaron os Bombeiros de Ribadumia, ao Servizo de Emerxencias-GES de Sanxenxo, á Garda Civil de Tráfico e aos voluntarios de Protección Civil de Poio.
Os servizos de extinción traballaron para extinguir o lume, que por fortuna non produciu danos persoais.