As choivas caidas á primeira hora da mañá deste mércores xeraron algúns problemas en Pontevedra.
Rexistráronse algunhas balsas de auga en distintos puntos da cidade, como na rúa José Malvar nas proximidades da Ponte dos Tirantes, ou na rúa Juan Manuel Pintos, fronte ao Pavillón Municipal.
Ademais volvéronse a repetir as inundacións na Rúa do Santo, en Estribela, e nun garaxe da rúa Fernando Olmedo, segundo informou desde a Asociación veciñal de Altamira-San Antoniño.
Este desbordamento do río de Valdecorvos afectou aos edificios números 12 e 14 da rúa Fernando Olmedo, entre as 8:00 e as 8:30 horas. Acudíronse no lugar, técnicos da concesionaria Viaqua e Bombeiros. Só lamentáronse danos materiais.
A Policía Local regulou o tráfico nesta rúa pola acumulación de auga na calzada.
Nas últimas 10 horas, o pluviómetro da estación de Meteogalicia en Campolongo rexistrou 28 litros de choiva por metro cadrado.
Por outra banda, un raio provocou cortes de luz en Poio, en especial na iluminación pública da parroquia de San Xoán.
A estación de Meteogalicia no Monte Castrove rexistrou até as 10.00 horas uns 30 litros por metro cadrado e refachos de vento duns 88 quilómetros por hora.