O Concello de Cerdedo-Cotobade conclúe a repartición de máscaras entre a poboación. Nos últimos cinco días entregaron a máis de 5.6000 veciños das 21 parroquias do municipio material de protección para previr a propagación do coronavirus.
En carpas instaladas nos núcleos de Cerdedo e Tenorio durante a xornada deste luns está a finalizarse a campaña. Desde estes centros de parten voluntarios de Protección Civil para a repartición a domicilio de máscaras. O Concello está a dar prioridade ás persoas maiores ou con problemas de mobilidade na entrega destes elementos de protección.
O alcalde Jorge Cubela, que estivo a coordinar a repartición durante esta última xornada, cualificou a medida de "efectiva e importante" pero non cre que supoña un punto e final na loita contra a pandemia e promete a reposición de máscaras por parte do Concello para que "vos nosos veciños poidan ir traballar ou facer a compra co menor rocha posible".
Despois de agradecer o traballo de voluntarios e operarios municipais para peitear todo o municipio en só cinco días, Cubela lembrou que aqueles veciños que non conseguiron unha máscara pode facelo poñéndose en contacto coas sedes administrativas de Carballedo ou Cerdedo para que llas leven a casa.
O lote de 7.000 máscaras foi adquirido polo Concello á empresa A Nosa Tapicería de Campo Lameiro, que as elaborou con Téxtil Non Tecido (TNT) con filtro de papel similar ás cirúrxicas.