Catro bombeiros pontevedreses trasladaranse "en canto sexa posible" a Valencia como colaboración do Concello para as tarefas de rescate e recuperación dos danos provocados pola DANA da pasada semana.
O catro están xa preparados, á espera de que a Axencia Galega de Emerxencias (Axega) lles comunique cando teñan que partir. É este organismo galego o que coordina a axuda de todos os concellos para que resulte máis operativo.
Irán estes catro efectivos e levarán un camión de incendios forestais, que, ante esta situación, resulta "ou máis operativo e máis útil" e material de rescate e bombas de achique.
A concelleira de Seguridade Cidadá, Eva Vilaverde, anunciou este martes o traslado destes efectivos, que permanecerán na zona, de momento, durante sete días.
Si é preciso prorrogar a estancia, haberá unha substitución doutros catro efectivos. E así seguirán, por quendas, mentres a súa presenza sexa necesaria.
Neste primeiro traslado, irán até Valencia no camión de bombeiros e, para futuras substitucións, xa se desprazarán en coche e o camión permanecerá alí durante todo o tempo que sexa necesario.
O Concello de Pontevedra mostra o seu "apoio, solidariedade e cariño" ás persoas e municipios afectados e lembra que "desde o primeiro momento" tras a traxedia puxéronse a disposición "para poder axudar naquilo que fose preciso".
Segundo explicou Eva Vilaverde, o Concello canalizou a súa oferta de axuda a través de canles oficiais, para que a axuda fose coordinada pola Federación Valenciana de Municipios e Provincias (FVMP).
Foi esta entidade a que lles trasladou, tanto directamente como a través da federación galega (Fegamp), que nestes momentos non precisan máis recollida de alimentos e produtos de primeira necesidade porque non teñen capacidade de xestionar máis.
O que precisan é axuda para a xestión da emerxencia, con profesionais e medios. O requisito que lles pon é que todos os profesionais que se despracen sexan "autónomos e autosuficientes" desde o punto de vista operativo e económico.
Desta forma, este catro bombeiros poderán traballar alí sen necesidade de apoio de ningún tipo, só coordinados a través da Axega e respondendo ás necesidades marcadas polo Centro de Coordinación de Emerxencias de Valencia.
Ademais, non suporán gastos para a Comunidade Valenciana, senón que todos os custos correrán a cargo do Concello de Pontevedra.
Para reforzar este apoio, o Concello tamén ten un retén de catro voluntarios de Protección Civil que, no caso de que desde Valencia se demande máis persoal, poderase desprazar cun vehículo e medios de rescate e achique. De momento, non foron requiridos.
