Continuamos a serie de receitas de "A cociña gourmet en conserva" cunha visita á Casa de las 5 Puertas. Este emblemático restaurante do Centro Histórico de Pontevedra incorpora recentemente na súa exquisita cociña asConservas Pescamar.
Bibiana Cardona, a propietaria e cociñeira principal da Casa de las 5 Puertas, proponnos unha tapa gourmet fusionando o Bonito do Norte en aceite de oliva Pescamar cun variado de hortalizas e redución de licor Pedro Ximénez.
Esta tapa, así como outras especialidades de produtos de alta calidade, pódese degustar na Casa de las 5 Puertas, na Avenida de Santa María, número 8.
Para preparar este delicioso Bonito do Norte en aceite de oliva Pescamar con cama de hortalizas, Bibiana Cardona ofrécenos as seguintes recomendacións.
Ingredientes para dúas persoas:
- 1 Lata de Bonito do Norte en aceite de oliva Pescamar
- 1 porro
- 1 cebola
- 2 cenorias
- Cuarto pemento vermello
- Aceite
- Sal
- Cuarto litro de Pedro Ximénez
Elaboración:
Cortamos todos os vexetais en xuliana, isto é, en tiras finas.
Nunha tixola poñemos un chorro xeneroso de aceite.
A continuación, imos incorporando: primeiro a cebola, daquela o pemento, a cenoria e, por último, o porro.
Cando todo estea salteado, salgamos ao gusto.
Para a redución de Pedro Ximénez, simplemente colocamos a lume lento o licor e deixamos que se evapore.
Decoración:
Poñemos un fondo abondoso co salteado de verduras.
Enriba, colocamos o Bonito do Norte en aceite de oliva Pescamar en lombos grandes e verquemos sobre eles a redución de Pedro Ximénez a modo de vinagreta.
Esta tapa está destinada a un desfrute pausado, para gozar dos diferentes sabores e texturas.
En dúas semanas volvemos cunha nova proposta de "A cociña gourmet en conserva" cos produtos do mar de alta calidade de Conservas Pescamar.