A Consellería de Sanidade informa que este sábado 20 de febreiro hai 1.270 casos activos na área sanitaria de Pontevedra e O Salnés. Son 128 casos menos que onte.
A área sanitaria de Pontevedra-O Salnés mantén 69 pacientes ingresados en planta de hospitalización.
Concretamente hai 57 pacientes no Complexo Hospitalario Universitario de Pontevedra, 6 no QuirónSalud Miguel Domínguez e 6 no Hospital do Salnés.
Ademais hai 20 pacientes críticos con covid-19 ingresados na Unidade de Coidados Intensivos (UCI) do Hospital Montecelo.
Así mesmo, permanecen 1.181 casos de coronavirus evolucionando nos seus domicilios.
Desde o inicio do plan de continxencia pola pandemia curáronse 10.658 pacientes, son 179 máis que no día de onte.
Faleceron por este virus na área sanitaria 143 pacientes. O último, en Montecelo, un home de 54 anos que presentaba patoloxías previas.
En canto a realización de PCR, nas últimas 24 horas fixéronse 516 probas, que se engaden ás 159.559 xa efectuadas desde o inicio da pandemia na área sanitaria de Pontevedra-O Salnés.
GALICIA
A Dirección Xeral de Saúde Pública da Consellería de Sanidade informa que, na última actualización, o número de casos activos de coronavirus en Galicia é de 9.289, deles 3.032 son da área da Coruña, 901 da de Lugo, 713 da de Ourense, 1.270 da de Pontevedra, 1.375 da área de Vigo, 1.045 da de Santiago e 953 da de Ferrol.
Do total de pacientes positivos, 163 están en UCI, 577 en unidades de hospitalización e 8.549 no domicilio. Polo de agora, en Galicia hai un total de 99.013 persoas curadas, rexistrándose 2.164 falecementos.
O número de PCR realizadas é de 1.615.905.