Un total de once persoas resultaron feridas tras irromper un coche no campo da festa de San Miguel de Deiro, na localidade de Vilanova de Arousa.
O accidente produciuse despois de que unha muller de avanzada idade perdese o control do turismo Smart automático que conducía e arroiase ao público que se atopaba baixo unha carpa das festas patronais cando a orquestra París de Noia atopábase en plena actuación.
A condutora está casada co histórico contrabandista de Vilagarcía de Arousa Luís Falcón Pérez, coñecido como 'Falconetti', de 82 anos, que ocupaba o coche como copiloto.
O vehículo que conducía a muller avanzou uns quince metros polo interior do recinto e mesmo un dos piares da carpa veu abaixo como consecuencia do golpe.
A Garda Civil confirmou que a condutora, nacida no ano 1941, deu negativo nas probas para detectar o consumo de alcol e drogas.
En principio, atribúeselle un delito de lesións imprudentes e outro de danos.
Entre os feridos preocupa especialmente o estado dun neno que sofre unha hemorraxia abdominal grave.
Dende o Complexo Hospitalario Universitario de Pontevedra reportan este luns, ás 9.20 horas, que seis persoas atendidas por este accidente están en Montecelo, das que catro xa foron ya dados de alta (un home de 36 anos e tres mulleres de 15, 42 y 43 anos).
Unha muller de 66 anos atópase na Unidade de Coidados Intensivos (UCI) con politraumatismo grave e un home de 27 anos en planta de hospitalización, fóra de perigo, con luxación de rótula.
Segundo o 112 Galicia as primeiras chamadas alertando do suceso recibíronse ás 23.25 horas deste domingo.
Ao principio, a confusión era importante entre os alertadores, que falaban de varias persoas alcanzadas polo turismo implicado, aínda que conscientes, e doutras feridas polos propios ferros que compoñen a estrutura da carpa.
Acudiron ao lugar do atropelo, efectivos da Policía Local e da Garda Civil, ademais dos Bombeiros de Ribadumia e de Protección Civil.
Unha vez no punto, os servizos de emerxencias procederon a balizar e evacuar a zona para garantir a seguridade das persoas afectadas e a súa correcta atención.
Os feridos foron evacuados en ambulancia polo persoal sanitario ao centro hospitalario de referencia. O menor de idade, pola súa banda, sería trasladado ao Hospital Clínico de Santiago.