Un home foi atendido polos servizos de emerxencia tras resultar ferido nun incendio que se rexistrou este domingo no restaurante A Peneira, en Ribadumia.
O ferido foi trasladado a un centro sanitario con queimaduras nas mans e na cara.
Os membros do operativo, entre os que estaban efectivos do servizo de emerxencias de Cambados e unha dotación de bombeiros, arrefriaron a zona afectada e ventilaron o local.
ACCIDENTE EN CAMBADOS
Ademais, desde o servizo de emerxencias de Cambados tamén se actuou este domingo nun accidente de tráfico que se rexistrou na PO-550, ao seu paso por Castrelo.
O sinistro non causou feridos e os danos limitáronse ao coche accidentado e ao farol público contra o que chocou o vehículo.