A Xunta de Goberno da Deputación de Pontevedra aprobaba este venres o investimento destinado a Marín de preto de 1,2 millóns de euros para acometer a mellora da mobilidade peonil na EP-1203 entre O Campo e Pardavila.
Destinaranse 365.000 euros do Plan +Provincia e 835.000 euros, que foran comprometidos para esta obra a través dun convenio de infraestruturas.
Luis López, presidente da Deputación, anunciaba esta obra dentro dos 1,5 millóns de euros que esta semana se mobilizan para impulsar investimentos, afrontar gastos correntes e contratacións de persoal nos concellos do municipio a través do +Provincia.
Neste sentido, Vilagarcía de Arousa contará con 310.000 euros para investir en dous proxectos. 213.220 euros destinaranse a mellorar o acceso a Ou Piñeiro a través de Wenceslao Fernández Flórez. Por outra banda, a ampliación da rede de saneamento e de abastecemento nun tramo do Camiño da Regueira en Fontecarmoa dispoñerá dunha partida de 95.787 euros das arcas provinciais.
En Vilanova de Arousa destinaranse 71.782 euros para a Festa do Momo, Sonatas de Verán e para a promoción de diversos actos culturais do municipio.
Na liña 3 do plan relacionado coa activación de emprego, a Deputación aprobaba 117.774 euros destinados ao Concello de Ribadumia para a contratación de oito persoas. Este persoal repártese en tres peóns de obras públicas; dous mozos de recollida de lixo; un oficial albanel: un monitor de lecer e tempo libre; e, por último, un técnico de urbanismo.
CAMBIO DE CUBERTA NO CENTRO PRÍNCIPE FELIPE
A Xunta de Goberno tamén aprobaba as obras na cuberta do Centro Príncipe Felipe cun investimento de preto de 900.000 euros. Trátase da substitución da cuberta do edificio Agarimo e do almacén xeral do centro.
Instalarase un panel de aceiro prelacado e renovaranse as bajantes, calwieA e a rede de pluviais horizontal para evitar as humidades que se rexistraban no edificio.
En materia de Cultura e Lingua tamén se aprobaba unha partida de 465.000 euros para dúas propostas:
- 165.000 euros destínanse a entidades sen ánimo de lucro que poñan en marcha festivais musicais e de artes escénicas na provincia.
- 300.000 euros irán para concellos de menos de 50.000 habitantes e entidades culturais que realicen actividades de dinamización da lingua galega, que "é a miña", apuntou Luis López, "e que entre todos debemos coidar e promover".
Tamén dentro do plan provincia + inclusiva investiranse 180.000 euros, que permitirán ás entidades sen fins de lucro dos municipios de menos de 50.000 habitantes impulsar accións de mellora da accesibilidade.
Promoveranse condicións de seguridade e autonomía para que as persoas desenvolvan actividades de vida cotiá sen restricións e aproveitando espazos e recursos.
Destínanse ata 10.000 euros por entidade ou non máis do 80% do orzamento da actuación prevista para este fin.