O voceiro do PP de Poio, Ángel Moldes, reuniuse na Confraría de Pescadores de Raxó con representantes dos distintos colectivos profesionais do mar que operan no Concello.
A reunión, convocada polos populares e á que asistiron unha veintena de mariscadores, pescadores e acuicultores, comezou cun compromiso que sorprendeu a moitos dos presentes pola súa claridade: "Se os veciños de Poio depositan a súa confianza en nós, o primeiro que faremos será buscar unha ubicación para a depuradora, e esa ubicación debe ser en Poio".
O popular foi aínda máis alá e comprometeuse a que, en caso de ser elixido en maio "a ubicación para a instalación estaría definida antes de rematar o ano 2015 e a súa construcción comezaría inmediatamente".
Moldes aclarou que a remesa de fondos europeos para a construcción da Estación Depuradora de Augas Residuais (EDAR), é "previsiblemente" unha das "derradeiras oportunidades" de financiación comunitaria para este proxecto. "Non podemos deixar pasar esta oportunidade: esta infraestrutura é crucial para o futuro de Poio, e non podemos quedar de brazos cruzados ante a ruina para a economía local".
"Comprometémonos tamén, en caso de non gañar as eleccións, a respetar a ubicación que elixa o partido que goberne. Pero esiximos un respeto recíproco: nós nos comprometemos a respectar a búsqueda de ubicación do goberno que sexa, e a non entorpecer a construcción onde consideren que sexa máis conveniente, pero pedimos respeto para nós: solicitamos que, se nos corresponde gobernar, non sexa o propio BNG o que organice a primeira plataforma opoñéndose á ubicación, sexa a que sexa", advertiu Moldes.