A Dirección Xeral de Emerxencias e Interior da Vicepresidencia Segunda da Xunta de Galicia activa para este domingo 31 de xullo a alerta laranxa debido ás altas temperaturas que se esperan nas provincias de Pontevedra e Ourense.
Segundo a información que manexan na administración autonómica procedente da Axencia Estatal de Meteoroloxía (AEMET), trátase dun fenómeno meteorolóxico cuxo inicio está previsto para as 13.00 horas nas zonas do Miño de Ourense e de Pontevedra, pero tamén afectará a toda a zona das Rías Baixas, na provincia pontevedresa.
Desde a Xunta, a través do Centro de Atención ás Emerxencias 112 Galicia, informouse desta situación aos concellos das provincias afectadas e aos diferentes colectivos como servizos provinciais e agrupacións de voluntariado de Protección Civil, entre outros, para adoptar medidas oportunas que garantan a seguridade das persoas e dos bens.
Recomendan extremar as precaucións, especialmente entre os colectivos máis vulnerables como persoas maiores, menores, persoas con enfermidades crónicas e tamén no caso de poboación que realice traballos físicos intensos ou deporte ao aire libre.
Aconséllase limitar a exposición ao sol, manter unha boa ventilación e prestar atención aos cambios de temperatura. É necesario manter unha hidratación adecuada, tomar comidas lixeiras, cubrir a cabeza e evitar exercicios físicos prolongados ao sol. Desde a Xunta lémbrase que nunca se debe deixar a nenos pequenos ou persoas maiores no interior de vehículos pechados.
A información meteorolóxica con ligazóns de interese pódese consultar a través da páxina web do 112 Galicia. Segundo o servizo de Meteogalicia, para este domingo agárdanse nas Rías Baixas temperaturas máximas que superarán os 36 graos. Mantense a i