Varios accidentes complicaron a circulación polas estradas pontevedresas ao longo desta fin de semana, no que comezamos a sentir os efectos da borrasca Bert.
O máis aparatoso rexistrouse na autoestrada AP-9, ao seu paso por Bemil (Caldas de Reis).
Foi ás cinco da tarde de onte sábado cando unha condutora chocou contra a barreira da vía e, posteriormente, contra a mediana central.
A muller, que circulaba en dirección a Pontevedra, resultou ilesa e non precisou asistencia sanitaria.
Até o lugar trasladáronse efectivos do servizo de emerxencias municipal de Cuntis e axentes da Garda Civil.
Ademais, o 112 Galicia informou doutro accidente que se rexistrou, pasada a unha desta madrugada, en Lérez, onde dous coches chocaron na PO-223.
O sinistro causou tres persoas feridas: unha en vehículo e dous no outro.
Mentres os feridos foron atendidos e o persoal de mantemento recompuxo as condicións de seguridade na vía, a circulación permaneceu cortada.