O delegado territorial da Xunta en Pontevedra, Luís López, reúnese co alcalde de Moraña, José Cela, para abordar os novos investimentos do goberno autonómico para o municipio.
Ademais da concesión de dous obradoiros de emprego e a remodelación do campo de fútbol de Mirallos, López confirmoulle a Cela que a Consellería de Infraestruturas empezará a redactar o proxecto para o acondicionamento, mellora e ampliación de beirarrúas na Rúa 3. Aproveitou o rexedor para lembrar tamén a necesidade de renovar o pavimento nun tramo da PO-221.
Outros asuntos tratados no encontro foron a mellora da contorna do pavillón, a pista multideporte e o circuíto pump- truck para convertelo nunha praza que integre todos estes espazos e a implantación dunha senda peonil cara ao lugar de Cortiñas.