A Policía Local de Poio interceptou durante a mañá do venres 31 de maio a un mariscador furtivo na praia da Reiboa.
Unha patrulla de servizo observou o home cando, ao redor das 12:00 horas, pretendía saír do areal cun saco de ameixa. Ao percatarse da presenza dos axentes soltou o saco e tentou disimular entre os bañistas, sendo identificado nese mesmo momento.
O saco contiña en concreto 10 quilos de ameixa xapónica.
A persoa ten 41 anos de idade e é veciño de Poio. Será denunciado por unha infracción administrativa ante os órganos competentes da Xunta de Galicia.
Esta actuación da Policía Local súmase á realizada recentemente de maneira conxunta cos vixiantes de Gardapescas da Confraría de Pescadores de San Telmo en Lourido, onde interceptaron a dous mariscadores furtivos con 20 quilos de bivalvos extraídos en zona prohibida e pechada á actividade por alta concentración de toxina.