A Noite dos Calacús volve a Pontevedra para decorar a cidade coas caras terroríficas que os nenos fagan nos obradoiros que propón a Concellaría de Festas, que xestiona Carme da Silva, para este martes 31 de outubro, a partir das 18.00 horas.
A praza da Verdura será o lugar de encontro no que os pequenos, e non tan pequenos, poderán decorar as cabazas que achegará a propia Concellaría.
Aprenderán a baleirar calacús, decoralos e colocarlles un cirio no interior para iluminar esta longa noite.
Ademais, os barrios de Eduardo Pondal -praza da Curtidoira- e Monte Porreiro -praza de Europa- acolleran magostos populares o próximo 4 de novembro.