A investigación policial e xudicial para aclarar a desaparición de Sonia Iglesias continúa a ritmo lento, pero intenso. O caso reabriuse meses atrás, pero é mantivo baixo un total mutismo ata que o pasado 20 de febreiro realizouse un rexistro exhaustivo e visible da cada da familia de Julio Araújo, ex parella da desaparecida, en San Amaro. Desde entón, se síguese traballando e "analizando una serie de datos".
Así o indicou o delegado do Goberno en Galicia, Santiago Villanueva, este martes durante unha visita á Comandancia da Garda Civil de Pontevedra. A preguntas dos xornalistas e en resposta á atención mediática que está a provocar o caso, recoñeceu que se realizou unha actuación visible e "es normal que en un caso tan mediático haya interés".
Santiago Villanueva indicou que nestes días nos que non se están practicando dilixencias xudiciais a investigación "continúa" por parte da Policía Nacional, que mantén investigados a nivel policial a Julio Araújo e o seu irmán David. De feito, lembra que "no dejó de trabajar en ningún momento" e, tras recoller un bo número de probas nos rexistros na casa e o coche dun familiar en Vilalonga (Sanxenxo), agora chega o momento da análise.
O delegado do Goberno insistiu en que hai unha investigación baixo segredo de sumario e fixo un chamamento a que se manteñan reservados todos os detalles do caso, pois "cualquier dato podría poner en peligro la investigación".
"Siempre digo que confiamos en la Policía y vamos dejar que sigan trabajando", engadiu Villanueva, e explicou que están "deseando" que se solucione "por la familia y por los agentes de la Policía", que leva investigando o caso sete anos e medio, desde o 18 de agosto do ano 2010.