O vicepresidente da Deputación de Pontevedra, Rafa Domínguez, anunciou que descarta os proxectos do concurso de ideas para rehabilitar o convento de Santa Clara porque "la propuesta del anterior gobierno era la de vandalizar, era la de destrozar, los jardines de Santa Clara para hacer un almacén". "Hemos evitado una catástrofe sin igual con la vandalización de los jardines de Santa Clara para ser un simple depósito de restos arqueológicos", afirmou.
Segundo explicou este martes o vicepresidente nunha rolda de prensa celebrada na igrexa do antigo cenobio das clarisas, tras asumir a responsabilidade política do Museo de Pontevedra e estudar "en profundidad" o proxecto do anterior goberno para Santa Clara atoparon unha "enorme deficiencia" neste concurso de ideas xa que "querían convertir una parte de Santa Clara en simple almacén de restos arqueológicos".
O estudo de arquitectura Nieto & Sobejano fora o gañador do concurso de anteproxectos para rehabilitar o convento pontevedrés coa súa proposta "Verbas da pedra" que incluía a creación dun centro de xestión integral da colección arqueolóxica de tres plantas semisoterradas na zona este do convento.
Rafa Domínguez explicou que "una de las partes fundamentales en las que se iba a convertir Santa Clara era un simple depósito de restos arqueológicos de toda la provincia y en un laboratorio de arqueología" o primeiro tería unha superficie de 2.500 metros cadrados e sería de acceso restrinxido para profesionais do mesmo xeito que o laboratorio duns 600 metros cadrados.
"Todos los equipos de arquitectura que se presentaron al concurso de ideas siguieron estas directrices que, desde nuestro punto de vista, son erróneas", polo que se renuncia agora a todos eles.
Segundo informou o vicepresidente da Deputación foron precisamente estes os motivos que provocaron o cesamento do anterior director Jose Manuel Rey, "que era un cargo de confianza que llevaba trabajando en un proyecto radicalmente diferente" ao novo que se quere iniciar.
O vicepresidente da Deputación de Pontevedra afirmou que el e o seu equipo están "profundamente disconformes" co "fondo" deste proxecto gañador pero tamén coa "forma" do mesmo porque eses 2.500 metros cadrados serían escavados na horta do antigo convento de clausura "generando una agresión mortal a unos jardines que llevan unos 400 años sin ser vistos por los pontevedreses".
Rafa Domínguez recalcou que a súa intención é a de "mantener la esencia" do edificio pero tamén dos xardíns "que son tan importantes como lo es el propio convento" e por iso entende que "la agresión a estos jardines es inaceptable" e defendeu a súa idea de impulsar o recinto como espazo museístico e parte fundamental do Museo de Pontevedra, aberto á cidadanía, conservando e incorporando os xardíns.
Rafa Domínguez recalcou que esta formulación significaría que "cualquier piedra que se encontrase en la provincia" e que poida ser susceptible de ser un resto arqueolóxico gardaríase en Santa Clara. "Desde un primer momento mi equipo y yo entendimos que Santa Clara no puede convertirse en un depósito de restos arqueológicos" o "un lugar donde se almacenen restos arqueológicos que no tienen calidad suficiente para ser expuestos al público".
O mandatario provincial tamén se preguntou por que o anterior vicepresidente César Mosquera "permitió avanzar hasta este punto" o proxecto ou "dónde estaba" o alcalde Miguel Anxo Fernández Lores ou "¿qué dijo el Consejo Asesor del Museo?" ante esta proposta.
Rafa Domínguez tamén recalcou que "es nuestro compromiso mantener todos los acuerdos firmados entre el Concello de Pontevedra y la Diputación" pero reiterou que fai falta "modificar algunos aspectos del proyecto que no se correspondían con la idea que entendemos que debe representar Santa Clara para el Museo".
O vicepresidente avanzou que terá que iniciarse un novo proceso na súa totalidade, sendo o primeiro paso a definición do "concepto museológico" no que se establecerá "un diálogo intenso entre las obras y la arquitectura" para que Santa Clara sexa "parte fundamental del Museo y albergue las mejores colecciones". Unha vez pechado ese capítulo abordarase a "fórmula administrativa" para levalo a cabo. Todo isto supoñerá que se "va a retrasar todo de forma importante". Os prazos concretaranse en próximos días.
Tamén advertiu de que as previsións de investimento, que no seu día Mosquera estimou en 21,5 millóns de euros, "es una cantidad muy inferior a la que nosotros teníamos" en previsión.
Por último, Rafa Domínguez informou que o seu equipo estuda "varias fórmulas" para que se materialice "cuanto antes" a apertura dos xardíns do convento.