A Brigada Galicia VII, Brilat, puxo rumbo a Eslovaquia. Ao redor de 450 efectivos participarán alí no Exercicio Strong Cohesion 23-II conxuntamente con militares de República Checa, Eslovenia, Eslovaquia e posiblemente Alemaña.
O continxente compóñeno ao redor de 150 vehículos nas súas diferentes modalidades, de combate e apoio loxístico, e ao redor de 450 militares, a maioría da Brilat, aínda que contarán co apoio doutras unidades de Valladolid e Huesca principalmente.
Os vehículos embarcaron este mércores no porto de Vigo rumbo a Eslovaquia, onde permanecerán ao longo do mes de novembro no campo de manobras de Lleŝt.
O exercicio que van realizar ten varios obxectivos, entre eles, poñer en práctica a capacidade de despregamento e repregamento loxístico dun continxente e unificar e estandarizar técnicas, tácticas e procedementos co resto de países participantes.
Ademais, van realizar probas de interoperabilidade en canto a sistemas de mando e control e coñecemento mutuo con estes países aliados.